Dr Jacqueline Calleja

Nutar Pubbliku

Nutar Pubbliku

Agħmel kuntatt miegħi

Dwari

Nimpenja ruħi ta' kuljum sabiex nagħti lill-klijenti dak is-servizz li jien nistenna mingħand ħaddiehor kieku nkun qed nitlob is-servizz għalija nnifsi.

Dr Jacqueline Calleja LL.D.
Warrant Numru 1566

Servizzi nutarili

Proprjetà

Jiena ngħinek tasal għal drafting ta' konvenji u kuntratti li huwa sensibbli fuq il-kuntratt. Fil-ħin opportun jiena nagħmel riċerki neċessarji sabiex nassigura li t-titlu tal-proprjetà huwa wieħed tajjeb u li m'hemmx ipoteki marbuta mal-proprjetà li tkun se tiġi trasferita. Aqra iktar.

Prokura

Dan huwa dokument fejn persuna taħtar lil xi ħadd ieħor sabiex jidher għan-nom u fl-interess tagħha fuq xi kuntratt jew ftehim. Importanti li l-persuna li tkun qiegħda tagħti l-awtorizzazzjoni tkun konxja ta' dak kollu li qed isir. Aqra iktar.

Affidavit

Din hija kitba sempliċi fejn il-persuna tagħmel stqarrija u n-nutar ikun xhieda kemm tal-identità tal-persuna u kif ukoll tal-kontenut. Aqra iktar.

Ċens

Din hija istituzzjoni antika iżda li wieħed irid jikkunsidra b'ċerta importanza speċjalment minħabba ċertu kundizzjonijiet li forsi ġew imposti mal-konċessjoni taċ-ċens speċjalment fejn jirrigwardja żvilupp tal-propjetà. Aqra iktar.

Suċċessjoni u Testmenti

Ngħinek sabiex tippjana t-tqassim tal-ġid tiegħek għal meta tiġi nieqes. Permezz tat-testment jiena niggwidak sabiex tesprimi x-xewqa tiegħek bl-aħjar mod possibbli.

Wara li l-mewt isseħħ, il-werrieta jeħtieġ li jagħmlu d-dikjarazzjoni causa mortis fejn il-proprjetà li kellu l-mejjet tiġi ddikjarata permezz ta' kuntratt għand in-nutar u titħallas taxxa jekk ikun il-każ.

Ukoll in-Nutar jagħmel talba għar-rilaxx ta' flus minn kontijiet miżmuma mill-persuna li tkun giet nieqsa; din hija proċedura separata fejn wara li l-eredi jiġu stabbiliti, isir ir-rilaxx ta' flus li l-mejjet kellu f'ismu ma' xi bank jew banek. Aqra iktar.

L-emendi fil-liġi tas-suċċessjoni fl-2004 kienu kruċjali sabiex jiġu ndirazzati xi miżuri li kienu kontemplati qabel fil-liġi u li forsi ma kinux ġusti għal kulħadd.

Sakemm ma jsirx testment, il-liġi bħalissa tipprovdi illi fil-każ ta' miżżewġin bit-tfal, il-parti fiż-żwieġ li tibqa ħajja tirċievi nofs l-eredita tal-mejjet/mejta u n-nofs l-ieħor jinqasam ugwalment bejn it-tfal. Fil-każ ta' miżżewġin mingħajr tfal, il-parti fiż-żwieġ li tibqa ħajja tirċievi kollox hi/hu.

X'nifhmu b'causa mortis'?

Hija dikjarazzjoni tal-assi immobiijari li ssir mill-eredi. Din issir biss fir-rigward ta' proprjeta jew sehem minn proprjeta li kien jipposjedi xi hadd li llum ma għadux maghna.

Hemm process fejn in-Nutar jagħmel ir-riċerki testamentarji u tinħadem it-taxxa fost affarijiet oħra. Hemm xi benefiċċji tat-taxxa li jistgħu japplikaw skont il-każ u n-Nutar ikun jista' jiggwidak f'dan ir-rigward.

L-applikazzjoni għal rilaxx ta' flus li kellu l-mejjet favur il-werrieta tinħadem separatament.

Ħafna mid-drabi l-miżżewġin iħallu eredi universali lil xulxin u wara l-mewt tal-aħħar wieħed jew waħda minnhom jirtu uliedhom jew persuni oħra skont il-każ.

Hemm każijiet ukoll fejn il-miżżewġin jippreferu jħallu l-użufrutt ta' ġidhom lil xulxin u jinnominaw lil uliedhom bħala eredi universali. Kull każ għandu konsegwenzi differenti u dan skont il-volonta tal-individwi.

X'intqal fuq il-First Time buyers?

L-iskemi eżistenti tal-first time buyers, second time buyers u akkwist ta' proprjeta immobbli ġewwa Għawdex se jiġu estiżi.

Tħabbret ukoll għajnuna ta' €10,000 lil first-time buyers ta' proprjeta li ma taqbizx il-valur ta' €500,000 u pagabbli fuq medda ta' 10 snin .

Ibgħatli messaġġ

Jekk tixtieq tagħmel kuntatt miegħi tista' tibgħat messaġġ hawnekk.